Wala Akong Pakialam Kung Bukambibig Mo Siya
- jamiedelosreyes
- Mar 22, 2015
- 1 min read
"Alam ko naman ang pakiramdam
Nang nababaliw sa taong
Walang pakialam."
Wala akong pakialam
Kung sinaktan ka nya.
Wala namang nag-utos sayo
Na landiin sya
Eh malas mo
Nahulog ka.
Wala akong pakialam
Kung nasugatan ka
Sa pagkakadapa.
Sino ba naman kasi
Ang nagsabi
Na seryosohin mo
Ang mga lasing na pangako nya.
Wala akong pakialam
Kung nagmukha kang tanga.
Hirap kasi sayo
Hinawakan lang kamay mo
Kala mo mahal ka na.
Wala akong pakialam
Kung ayaw na nyang balikan ka.
Wala namang pumupwersa
Sa kamay mo na kapitan sya.
Wala akong pakialam.
Wala akong pakialam
Kung ang bigat mong pasanin
Kapag nasobrahan ka na sa gin.
Ayos lang kahit magdamag tayong
Nakaupo dito sa kanto.
Wala akong pakialam.
Wala akong pakialam
Kung bukambibig mo pa rin sya.
Alam ko naman ang pakiramdam
Nang nababaliw sa taong
Walang pakialam.
Wala akong pakialam
Pero kasi diba
Pinangako ko na
Andito lang ako
Kahit sabi nga ni Popoy,
"Ang sakit sakit na."
Wala akong pakialam.
Maaga pa ang pasok ko bukas
Pero bahala na.
Dito muna ako
Habang basag ka pa.
Malayo pa naman ang umaga.
by Jamie Delos Reyes
Σχόλια